Faktoriaren garbiketa eta espazioa txukun egoteko ardura mimoz hartuko duen pertsona bat bilatzen dugu.
Funtzio nagusiak
- Astero 2 ordu eta erdi hartuko duen garbiketa lineala egitea (10 ordu hilero). Garbitu beharreko espazioak hurrengoak dira: Kantina, Goiko Plaza, Beheko Plaza, Barruko Plaza eta Komunak. Eguna eta ordutegia langilearen beharretara egokitzeko aukera baloratuko da.
- Astero ordu bat bideratuko da behar berezia duten espazioen garbiketara: Kaleko espazio eta Espazio osagarriak, esaterako. Guztira 4 ordu hilero.
- Programazioaren araberako garbiketa beharrak asetzea. Aurreikuspen bat osatzeari begira 1,5 ordu astean (6 ordu hilero). Ordu hauek aldakorrak izango dira antolatutako programazioaren arabera, beraz malgutasunez kudeatuko dira.
- Behar bereziak suertatuz gero, lan jarduna handitzeko aukera egongo da.
Espazioaren irudiak hurrengo estekan: faktoria.eus/faktoria-espazioa
Eskatzen da
- Euskara ondo menperatzea edo gaitasun hori eskuratzeko bidean aktibo egotea.
- Garbiketarako eta ordenerako gaitasuna edo lan-esperientzia.
- Ordutegi malgutasuna.
- Harreman pertsonaletarako gaitasuna.
Eskaintzen da
- %15 lanaldia barne hartzen duen lan kontratua.
- 4.125€ko soldata gordina urtean (14 pagatan banatuta).
- Ordutegi malgutasuna.
- Euskararen eta eraldaketa sozialaren esparruan proiektu bizigarri baten parte izatea.
- Lantalde gazte eta dinamiko baten partaide izatea.
- Lanpostua Laudion (Araba) kokatzen da.
Lan-deialdia ebazteko kronologia
- Azaroak 17: Lan-deialdiaren zabalpena.
- Azaroak 25: Hautagaitza bidaltzeko azken eguna.
- Azaroak 30: Jasotako hautagaitzen azterketa eta ebazpena.
- Abenduak 5: Lan Inkorporazioa.